ՆԱՏՕ-ի գնդապետ. Ադրբեջանի զինված ուժերը գերազանց առաջընթաց են գրանցել

Քաղաքականություն  30 Նոյեմբերի 2022 - 15:33

Ադրբեջանի Զինված ուժերը գերազանց առաջընթաց են գրանցել:

Ինչպես հայտնում է Caliber.Az-ը, այս մասին Բաքվում «ՆԱՏՕ-ի օրերի» ժամանակ ասել է՝ Եվրոպայում ՆԱՏՕ-ի Դաշնակից ուժերի գերագույն շտաբի (SHAPE) ներկայացուցիչ, գնդապետ Իգոր Թաբուլով-Տրուտան։

«Ես պետք է շնորհավորեմ Ադրբեջանի զինված ուժերին ձեռք բերած գերազանց առաջընթացի համար։ Օպերատիվ ներուժի հայեցակարգի շնորհիվ՝ զինված ուժերի տարբեր բաղադրիչները հաջողությամբ հասել են լիարժեք մարտունակության: Սա մեծ ձեռքբերում է»,- ասել է գնդապետը։

Նրա խոսքով, «ՆԱՏՕ-ի օրերը» թույլ են տվել ոչ միայն կարծիքներ փոխանակել փոխադարձ հետաքրքրություն ներկայացնող թեմաների շուրջ, այլև հնարավորություն են տվել անմիջականորեն տեսնել Ադրբեջանի զինված ուժերի տղամարդկանց և կանանց ցուցաբերած պրոֆեսիոնալիզմն ու անձնվիրությունը։

«Ադրբեջանը եղել և մնում է ՆԱՏՕ-ի ուժեղ գործընկերը, իսկ նրա ներդրումը ՆԱՏՕ-ի առաքելություններում և գործողություններում միշտ էլ նշանակալի է եղել», - հավելել է գնդապետ Թաբուլով-Տրուտան:

Caliber.Az

Դիտումներ: 101