Դատավարություն Բաքվի դատարանում. Հագվերդիևը պատմել է, թե ինչպես են հայերը այրել Քերքիջահանում ադրբեջանցիների տները

Բաքվի ռազմական դատարանում այսօր շարունակված դատավարության ժամանակ ցուցմունք է տվել տուժողը՝ Քերքիջահան ավանի բնակիչ Դերգահ Հագվերդիևը։
 
AZERTAC-ի փոխանցմամբ՝ նա պատմել է, որ 1987 թվականից ի վեր Խանքենդի քաղաքում ապրող հայերը սկսել են ճնշում գործադրել ադրբեջանցիների վրա՝ ազգային խտրականության հիման վրա։ Հագվերդիևը ընդգծել է՝ Ռոբերտ Քոչարյանի (ՀՀ նախկին նախագահ - խմբ.) ակտիվ մասնակցությունը այդ գործընթացներին։
 
Տուժողը ասել է, որ 1988 թվականի փետրվարից հետո հայերը սկսել են բացահայտ վտարել ադրբեջանցիներին, իսկ նույն թվականի սեպտեմբերին Խանքենդիում այրվել են ադրբեջանցիներին պատկանող բնակելի տները։ Խանքենդիի կենտրոնական հրապարակում հայերի կողմից անցկացված հանրահավաքից հետո, զինված հայերը հարձակվել են Քերքիջահանի վրա և այրել մի քանի տներ։
 
Դերգահ Հագվերդիևը պատմել է, որ 1991 թվականից սկսած, գյուղը կրակի տակ էր Խանքենդիում տեղակայված  366-րդ մոտոհրաձգային գնդում ծառայող հայ զինծառայողների կողմից, որոնք գնդակոծության ժամանակ օգտագործում էին գնդի սպառազինությունն ու տեխնիկան: Դեկտեմբերի 28-ին հայերը հարձակման անցան  և օկուպարեցին Քերքիջահանը: Այդ ժամանակ այրվեցին ադրբեջանցիներին պատկանող բոլոր տները։
 
«Օկուպացումից առաջ նրանք մեզ զանգահարում էին և վիրավորում, ասելով. հեռացեք, Ղարաբաղը պետք է միացվի Հայաստանին, այստեղ պետք է ապրեն միայն հայերը: Հարձակման ժամանակ նրանք գոռում էին, որ ադրբեջանցիները պետք է հեռանան այստեղից, սա Հայաստանի տարածքն է», -  հայտնել է տուժողը: