Ավարտվել է Ադրբեջանա-թուրքական բարձր մակարդակի ռազմական երկխոսության հերթական նիստը ԼՈՒՍԱՆԿԱՐ

Անկարայում ավարտվել է Ադրբեջանա-թուրքական բարձր մակարդակի ռազմական երկխոսության 14-րդ նիստը, որը վարել են Ադրբեջանի Հանրապետության ՊՆ Ազգային պաշտպանության համալսարանի ռեկտոր, գեներալ-լեյտենանտ Հեյդար Փիրիևը և Թուրքիայի Հանրապետության ԶՈՒ գլխավոր շտաբի երկրորդ պետ, բանակի գեներալ Սելջուկ Բայրաքթարօղլուն։

Այս մասին հայտնում է Caliber.Az-ը՝ հղում անելով Ադրբեջանի պաշտպանության նախարարությանը։

Հանդիպմանը քննարկվել են Ադրբեջանի և Թուրքիայի միջև ռազմական, ռազմատեխնիկական, ռազմաբժշկական, ռազմակրթական և այլ ոլորտներում երկկողմ համագործակցության ներկա վիճակն ու հեռանկարները, կարծիքներ են փոխանակել գործունեության հիմնական ուղղությունների վերաբերյալ։ Հանդիպման ամփոփիչ արձանագրության ստորագրումից հետո ադրբեջանական պատվիրակությունն այցելել է Թուրքիայի Զինված ուժերի ռազմաուսումնական հաստատություն։