Մոտ ժամանակներում կարող է տեղի ունենալ՝ Ադրբեջանի, Ռուսաստանի և Հայաստանի ԱԳՆ ղեկավարների հանդիպումը

Արտգործնախարար Արարատ Միրզոյանն ասել է, որ առաջիկայում հնարավոր է եռակողմ հանդիպում՝ ՌԴ արտգործնախարար Սերգեյ Լավրովի և Ադրբեջանի արտգործնախարար Ջեյհուն Բայրամովի հետ։

Caliber.Az-ի փոխանցմամբ՝ Միրզոյանը հայտնել է, որ հանդիպման կազմակերպման հարցը քննարկվել է մարտի 20-ին Մոսկվայում՝ Սերգեյ Լավրովի հետ ունեցած բանակցություններում։

Նախարար Արարատ Միրզոյանը հիշեցրել է, որ դեկտեմբերի 23-ին հայկական կողմը հետաձգել է իր մասնակցությունը եռակողմ հանդիպմանը՝ Ադրբեջանի կողմից Լաչինի միջանցքի անօրինական շրջափակման պատճառով։

Այժմ Երևանի և Բաքվի միջև բանակցությունները ընթանում են առցանց, կողմերը առաջարկություններ են փոխանակում խաղաղության պայմանագրի նախագծի վերաբերյալ։