Լորան Վոկյեի նման մարդկանց մուտքը մեր երկիր անհարգալից վերաբերմունք է Ադրբեջանի տարածքային ամբողջականության նկատմամբ

Լորան Վոկյեի նման անձանց մուտքը մեր երկիր՝ առանց մեր պետության թույլտվության, անհարգալից վերաբերմունք է Ադրբեջանի տարածքային ամբողջականության նկատմամբ։

Այս մասին Caliber.Az-ին ասել է ռազմական փորձագետ Ադալաթ Վերդիևը։

Մարտի վերջին օրերին Հայաստան էր այցելել Ֆրանսիայի Օվերն-Ռոն-Ալպ շրջանի խորհրդի նախագահ Լորան Վոկյեն։ Մարտի 29-ին նա գնացել է Լաչինի ճանապարհի Հայաստանի հետ կապող հատված, որտեղ քաղաքական ուղերձներ է հնչեցրել Ադրբեջանի և Թուրքիայի հասցեին։ Լորան Վոկյեն, ով պատրաստվում է մասնակցել 2027 թվականի նախագահական ընտրություններին, ավելի հեռուն գնաց՝ հայտարարելով Լաչինի միջանցքով մարդասիրական ավտոշարասյան անցումը կազմակերպելու մտադրության մասին։

Վերդիևը նշել է, որ Ղարաբաղում ապրող հայերի բոլոր կարիքները բավարարում են ինչպես ռուս խաղաղապահները, այնպես էլ Կարմիր խաչի միջազգային կոմիտեն։ Առաքվում է ցանկացած ապրանք և մարդասիրական օգնություն. «Առաջինը, նրանք ոչ մի բանի կարիք չունեն: Երկրորդը՝ առանց ադրբեջանական պետության թույլտվության նման մարդկանց մուտքն Ադրբեջանի տարածք անհարգալից վերաբերմունք է Ադրբեջանի տարածքային ամբողջականության նկատմամբ։ Ադրբեջանը ոչ մի դեպքում դա թույլ չի տա»։