Մեկարկել է Լաչինի բնակիչների վերադարձը հայրենի քաղաք ԼՈՒՍԱՆԿԱՐ

Ադրբեջանի Հանրապետության նախագահ Իլհամ Ալիևի հանձնարարության համաձայն՝ մեկնարկում է հարկադիր վերաբնակների վերադարձը վերականգնված Լաչին քաղաք։ Առաջին փուլում քաղաք կտեղափոխվի 20 ընտանիք՝ ընդհանուր 97 հոգի։ Հարկադիր վերաբանկների առաջին խումբը Լաչին է մեկնել՝ Բաքվի Գարադաղի շրջանում կառուցված «Գոբու պարկ 3» բնակելի համալիրից։

Ինչպես Ազերթաջին հայտնել են Փախստականների և հարկադիր վերաբնակների հարցերով պետական կոմիտեում, սկզբնական փուլում վերաբնակեցված ընտանիքներն ընտրվել են՝ հիմնականում Բաքու և Սումգայիթ քաղաքներում, ինչպես նաև Աբշերոնի շրջանում ամենադժվար պայմաններում ապրողներից։ Նրանք կապրեն օկուպացիայից ազատագրված Լաչինում՝ պետության ղեկավարի հանձնարարությամբ իրականացվող վերականգնման աշխատանքների արդյունքում հիմնովին վերանորոգված ու վերականգնված իրենց տներում։

Հարկադիր վերաբնակները, ովքեր երկար տարիներ սպասում էին իրենց վերադարձին հայրենի հողեր, մշտապես շրջապատված էին պետության հոգածությամբ։ Սոցիալական ուղղվածություն ունեցող պետական քաղաքականությունը, որի հիմքը դրել է համազգային առաջնորդ Հեյդար Ալիևը, հաջողությամբ շարունակում է նախագահ Իլհամ Ալիևը, որը հետևողականորեն և լայնածավալ միջոցներ է ձեռնարկում՝ հարկադիր վերաբնակների կենսապայմանների բարելավման ուղղությամբ։ Առաջին փոխնախագահ Մեհրիբան Ալիևան միշտ մեծ ուշադրություն է դարձրել նրանց խնդիրների լուծմանը։