Իսրայելի նախագահը պաշտոնական այցով ժամանել է Ադրբեջան

Այսօր պաշտոնական այցով Ադրբեջան է ժամանել Իսրայելի նախագահ Իցհակ Հերցոգը։

Caliber.Az-ի փոխանցմամբ՝ Հեյդար Ալիևի անվան միջազգային օդանավակայանում, որտեղ ծածանվել են երկու երկրների պետական դրոշները, բարձր հյուրի պատվին պատվո պահակախումբ է շարվել։

Իսրայելի նախագահ Իցհակ Հերցոգին և նրա տիկնոջը՝ Միխալ Հերցոգին դիմավորել են Ադրբեջանի առաջին փոխվարչապետ Յագուբ Էյուբովը, փոխարտգործնախարար Ֆարիզ Ռզաևը և այլ պաշտոնյաներ։