Այհան Հաջիզադե. Մակրոնի հայտարարությունը չի արտացոլում կողմերի դիրքորոշումը, այլ խեղաթյուրում է այն

Եվրոպական խորհրդի նախագահ Շառլ Միշելը հայտարարություն է արել հունիսի 1-ին Քիշնևում Ֆրանսիայի նախագահ Էմանուել Մակրոնի և Գերմանիայի կանցլեր Օլաֆ Շոլցի մասնակցությամբ Ադրբեջանի և Հայաստանի ղեկավարների հանդիպման արդյունքների վերաբերյալ։ Հանդիպման արդյունքների վերաբերյալ հայտարարությամբ հանդես է եկել նաև Ֆրանսիայի նախագահը։

Ինչպես հայտնում է Caliber.Az-ը, այս առնչությամբ Ադրբեջանի ԱԳՆ մամուլի ծառայության ղեկավար Այխան Հաջիզադեն ընդգծել է, որ Շառլ Միշելը հայտարարությամբ հանդես է եկել՝ որպես բրյուսելյան ձևաչափի կազմակերպիչ։

«Հանդիպման մասին Ֆրանսիայի նախագահի հայտարարությունը չի արտացոլում կողմերի դիրքորոշումը, այլ խեղաթյուրում է այն։ Ցավոք, սա առաջին դեպքը չէ, երբ Ֆրանսիան նման պահվածք է դրսևորում և դա ոչ մի կերպ չի նպաստում Ադրբեջանի և Հայաստանի միջև խաղաղ գործընթացին, տարածաշրջանային խաղաղությանը և կայունությանը»,- նշել է Հաջիզադեն։