Հունգարիայի պաշտպանության նախարարն այցելել է Ադրբեջանի ԶՈՒ-ի զորամաս

Պաշտոնական այցով Ադրբեջանում գտնվող՝ Հունգարիայի Հանրապետության պաշտպանության նախարար Քրիստոֆ Սալայ-Բոբրովնիչկիի գլխավորած պատվիրակությունն այցելել է N զորամաս։
 
 Պաշտպանության նախարարությունից Caliber.Az-ին հայտնել են, որ նախ պատվիրակությունը ծաղկեպսակներ է դրել՝ Բաքվում և Սումգայիթում գտնվող զոհված ռազմագերիների հուշակոթողներին, որոնց շարքում թաղված են հունգարացի զինվորներ և հարգել նրանց հիշատակը։
 
Այնուհետ N զորամաս ժամանած պատվիրակությանը մանրամասն ճեպազրույց է ներկայացվել՝ զորամասի մարտական ուղու և անձնակազմի պատրաստման ընթացքի մասին։
 
Հյուրերը ծանոթացել են զինծառայողների համար ստեղծված պայմաններին, զինանոցում առկա սպառազինությանը և  մարտական տեխնիկային, ինչպես նաև զորամասի ուսումնական կենտրոնում հետևել են ցուցադրական ելույթներին։
 
Վերջում կայացել է նվերների փոխադարձ հանձնման արարողություն, հիշատակի համար լուսանկարվել են: