Ադրբեջանցի բնապահպաններն ահազանգում են. հայերի պլանները վտանգ են ներկայացնում տարածաշրջանի համար

«Հայկական մամուլում հրապարակված տեղեկությունների համաձայն՝ Հայաստանը պատրաստվում է խոշոր մետալուրգիական գործարան կառուցել Արազդայանում՝ Ադրբեջանի Նախչըվանի Ինքնավար Հանրապետությանը սահմանակից շրջանում»։
 
Caliber.Az-ի փոխանցմամբ՝ այս մասին ասված է Ադրբեջանում գործող բնապահպանական ոչ կառավարական կազմակերպությունների հայտարարության մեջ։
 
Բնապահպանները մտավախություն ունեն, որ այս մետալուրգիական գործարանի թունավոր քիմիական թափոնները կարող են լուրջ հարված հասցնել տարածաշրջանի էկոհամակարգին, մասնավորապես՝ վախենում են դրա թափոնների Արազ գետը թափվելուց։
 
  «Հայաստանի կողմից հանքարդյունաբերության ոլորտում որևէ միջազգային ստանդարտի չկատարումը լուրջ բնապահպանական վտանգ է ներկայացնում ինչպես Ադրբեջանի, այնպես էլ ողջ տարածաշրջանի համար։
 
Առանց ադրբեջանական կողմի համաձայնության սահմանին նման ձեռնարկության կառուցումը՝ «Անդրսահմանային համատեքստում շրջակա միջավայրի վրա ազդեցության գնահատման մասին» 1991 թվականի Էսպոյի կոնվենցիայի կոպիտ խախտում է»,- ասվում է հայտարարության մեջ։
 
Նշվում է, որ Կոնվենցիայի դրույթների հիման վրա պետք է աշխատանքներ տարվեն՝ շրջակա միջավայրի վրա այս կայանի ազդեցության գնահատման ուղղությամբ, շինարարության վերաբերյալ գնահատման փաստաթուղթը պետք է դիտարկվի հարևան պետության՝ Ադրբեջանի համապատասխան կառույցների կողմից։
 
«Հայաստանի կողմից այս պահանջներին չկատարելը ևս մեկ անգամ վկայում է այն մասին, որ Հայաստանը ապակառուցողական քաղաքականություն է վարում տարածաշրջանում՝ կոպտորեն խախտելով միջազգային փաստաթղթերի դրույթները և միջազգային պարտավորությունները»,- համարում են ադրբեջանցի բնապահպանները։
 
 Հայաստանի կողմից բնապահպանական տեռորի օրինակների շարքում նշված են այնպիսի երևույթներ, ինչպիսիք են Մեծամորի ատոմակայանը, օկուպացիայի ժամանակ Ղարաբաղում տեղի ունեցած լայնածավալ բնապահպանական ողբերգությունները, Օխչուչայ Գետ՝ քիմիական տարրերի բարձր պարունակությամբ չմշակված արդյունաբերական ջրերի բացթողումը։
 
«Նման բնապահպանական հանցագործություններով Հայաստանն անտեսում է ՄԱԿ-ի Կայուն զարգացման նպատակները»,- ասվում է հայտարարության մեջ։
 
«Մենք դիմում ենք համապատասխան միջազգային կազմակերպություններին` ՄԱԿ-ի շրջակա միջավայրի ծրագրի գլխավորությամբ՝  Առողջապահության համաշխարհային կազմակերպությանը, շրջակա միջավայրի հարցերով ՄԱԿ-ի հատուկ զեկուցողին, վտանգավոր նյութերի և մարդու իրավունքների հարցերով ՄԱԿ-ի հատուկ զեկուցողին և կոչ ենք անում նրանց՝ արձագանքել այս փաստին և վերջ դնել Հայաստանի բնապահպանական հերթական տեռորին:
 
Դիմում ենք Ամերիկայի Միացյալ Նահանգների կառավարությանը խնդրանքով, կոչ անել՝ պատասխանատու վարքագիծ դրսևորել Արազդայանում խոշոր մետալուրգիական գործարան կառուցելու պատրաստվող և ամերիկյան տարածքում գրանցված ընկերությանը, աչք չփակել  նրա կողմից իրականացվող ապօրինությունների վրա»,- ասված է հայտարարության մեջ։

 Բացի այդ, ադրբեջանցի ակտիվիստները դիմում են նաև հայ գործընկերներին՝ նշելով, որ գործարանի գործունեությունը «առաջին հերթին բացասաբար կանդրադառնա հենց Հայաստանի էկոլոգիական վիճակի վրա»։