Ալի Ասադով. ԵԱՏՄ գործընկերների հետ համագործակցության զարգացումը մեր առաջնահերթություններից է

Եվրասիական տնտեսական միության (ԵԱՏՄ) գործընկերների հետ երկկողմ և բազմակողմ համագործակցության զարգացումը` Ադրբեջանի արտաքին քաղաքականության առաջնահերթություններից է։
 
Ինչպես հայտնում է Report-ը, այս մասին հունիսի 8-ին Սոչիում` ընդլայնված կազմով Եվրասիական միջկառավարական խորհրդի նիստում` հյուրի կարգավիճակում իր ելույթում ասել է Ադրբեջանի վարչապետ Ալի Ասադովը։
 
Նա նշել է, որ հարաբերությունների հիմնարար վեկտորը առևտրատնտեսական համագործակցությունն է։
 
«Անցյալ տարվա արդյունքներով Ադրբեջանի և ԵԱՏՄ երկրների միջև ապրանքաշրջանառությունն աճել է 31%-ով և կազմել է 4,7 մլրդ դոլար։ ԵԱՏՄ անդամ երկրների մասնաբաժինը՝ Ադրբեջանի արտաքին առևտրաշրջանառության մեջ կազմել է մոտ 9%։ Այս տարվա հունվար-ապրիլին ապրանքաշրջանառության աճը կազմել է 38 տոկոս»,- ասել է վարչապետը։