Հիքմեթ Հաջիև. Խաղաղության պայմանագիրը Ադրբեջանի նախաձեռնությունն էր

Չնայած ռազմական ագրեսիայի 30 տարի պատճառած տառապանքներին՝ 44-օրյա պատերազմից հետո խաղաղության պայմանագիրը Ադրբեջանի նախաձեռնությունն էր։

Ինչպես հաղորդում է Caliber.Az-ը, այս մասին Ադրբեջանում հավատարմագրված դիվանագիտական կորպուսի ներկայացուցիչների համար կազմակերպված ճեպազրույցում ասել է Ադրբեջանի Հանրապետության նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը՝ ի պատասխան Ադրբեջանում Ղազախստանի դեսպան Ալիմ Բայելի հարցին:

Նրա խոսքով, Ադրբեջանը պատրաստել և ներկայացրել է նաև խաղաղության համաձայնագրի տեքստը. «Միացյալ Նահանգները և այլ երկրներ հարթակներ են տրամադրել խաղաղության պայմանագրի համար։ Բայց հարցն այն չէ, թե որտեղ քննարկել, այլ այն, թե ինչ քննարկել: Խաղաղության համաձայնագիրը, իմ կարծիքով, 70 տոկոսով համաձայնեցված էր։ Բայց տվյալ պահին դա պետք է փոխադարձ գործընթաց լինի»։