Ադրբեջանական բանակի երկու զինծառայող է պայթել ականի վրա

Սեպտեմբերի 24-ին՝ ժամը 17:35-ի սահմաններում, ականի վրա պայթել է ադրբեջանական բանակին պատկանող «Կամազ» մակնիշի մարտական մեքենան:

Ինչպես Caliber.Az-ին հայտնել են ՊՆ-ից, Ադրբեջանի ԶՈՒ-ի դիրքերի մատակարարման ճանապարհին ահաբեկչական նպատակներով նախապես տեղադրված հակատանկային ականի պայթյունի հետևանքով զոհվել են՝ ադրբեջանական բանակի զինծառայողներ Շադմանով Աքրամ Յունիս օղլուն և Սեիդով Թուրալ Իսլամ օղլուն։

«Մեր մեկ այլ զինծառայող՝ Ալիև Էլվին Թալեհ օղլուն, տարբեր աստիճանի վնասվածքներ է ստացել։ Առաջին բուժօգնություն ստանալուց հետո, նրան անմիջապես տարհանել են մոտակա ռազմաբժշկական հաստատություն։ Նրա վիճակը կայուն է, կյանքին վտանգ չի սպառնում», - հայտնել են ՊՆ-ից։