Վերջին սադրանքները հակասում են Երևանի խաղաղ հռետորաբանությանը Բայրամովը՝ ԵԱՀԿ գլխավոր քարտուղարին

Մարտի 2-ին Անթալիայում դիվանագիտական ֆորումի շրջանակներում՝ Ադրբեջանի արտգործնախարար Ջեյհուն Բայրամովը հանդիպել է ԵԱՀԿ գլխավոր քարտուղար Հելգա Շմիդի հետ։

Ինչպես Caliber.Az-ին հայտնել են ԱԳՆ-ից, հանդիպման ընթացքում քննարկվել են՝ Ադրբեջանի և ԵԱՀԿ-ի միջև համագործակցության օրակարգը, տարածաշրջանում առկա իրավիճակն ու Ադրբեջանի և Հայաստանի միջև հարաբերությունների կարգավորման գործընթացը։ Քննարկվել են Ադրբեջանի և ԵԱՀԿ-ի միջև մի շարք հնարավոր նախագծեր, ինչպես նաև համագործակցության հեռանկարային ուղղություններ՝ կապված Կլիմայի փոփոխության մասին ՄԱԿ-ի շրջանակային կոնվենցիայի (COP29) Կողմերի համաժողովի 29-րդ նստաշրջանի Ադրբեջանում անցկացման հետ:

Խոսելով կարգավորման գործընթացի մասին՝ Ջեյհուն Բայրամովն ընդգծել է, որ Հայաստանի կողմից տարբեր հարթակներում հնչեցվող հակաադրբեջանական բնույթի հայտարարությունները և վերջին սադրանքները հակասում են խաղաղ հռետորաբանությանը, որով հանդես է գալիս պաշտոնական Երևանը։

Հանդիպմանը մտքերի փոխանակություն է տեղի ունեցել փոխադարձ հետաքրքրություն ներկայացնող այլ հարցերի շուրջ։

13:16

Հայաստանը պետք է զերծ մնա սադրիչ արտահայտություններից ու հայտարարություններից, որպեսզի էլ ավելի մեծ վնաս չհասցնի խաղաղության հաստատման և հարաբերությունների կարգավորման գործընթացին։

Ինչպես հայտնում է Caliber.Az-ը, այս մասին արտգործնախարար Ջեյհուն Բայրամովը գրել է սոցցանցի իր միկրոբլոգում:

Նախարարը նշել է, որ Անթալիայում դիվանագիտական ֆորումի շրջանակներում հանդիպել է՝ ԵԱՀԿ գլխավոր քարտուղար Հելգա-Մարիա Շմիդի հետ, ում հետ քննարկել են տարածաշրջանային և միջազգային գործընթացները։