Էլշադ Իսկենդերով. Ադրբեջանն աջակցում է «Մեկ գոտի-մեկ ճանապարհ» նախագծին

Ադրբեջանը աջակցում է Չինաստանի նախաձեռնած «Մեկ գոտի, մեկ ճանապարհ» նախագծին։

Ինչպես հաղորդում է Caliber.Az-ը, այս մասին ասել է Ադրբեջանի ԱԳՆ հատուկ հանձնարարությունների գծով դեսպան Էլշադ Իսկենդերովը «Ադրբեջանա-չինական հարաբերությունների վերագնահատում. առաջընթացի ուղին» թեմայով միջոցառման ժամանակ։

Նրա խոսքով, Ադրբեջանում զարգացող տրանսպորտային հանգույցը նույնպես կնպաստի այս նախագծի զարգացմանը:

Իսկենդերովը հավելել է, որ Ադրբեջանը և Չինաստանը համագործակցում են նաև էներգիայի վերականգնվող աղբյուրների ոլորտում. «Չինաստանը պարտավորվել է Ղարաբաղում կառուցել 230 ՄՎտ հզորությամբ էլեկտրակայաններ։ Այսինքն՝ մեր հարաբերությունները հիմնված են երկարաժամկետ հեռանկարի վրա»։