Լյուքսեմբուրգի խորհրդարանը նախընտրել է անտեսել օբյեկտիվ իրողությունները Միլլի Մեջլիսը պատասխանել է Կլոդ Վիսլերին

Ադրբեջանի Միլլի Մեջլիսը խստորեն դատապարտում և մերժում է Լյուքսեմբուրգի Պատգամավորների պալատի նախագահ Կլոդ Վիսլերի՝ այսօր Հայաստան կատարած այցի ժամանակ հնչեցրած կողմնակալ և անհեթեթ հայտարարությունները։

Ինչպես հայտնում է Caliber.Az-ը, այս հարցի վերաբերյալ Միլլի Մեջլիսի հայտարարության մեջ ասվում է. «Ակնհայտ է, որ Լյուքսեմբուրգի ներկայացուցիչները, որտեղ ֆրանսերենը սահմանվում է որպես հիմնական լեզու, չափազանց հակված են «ֆրանսիական ոճը» կիրառել Հարավային Կովկասի տարածաշրջանի նկատմամբ իրենց մոտեցումներում: Այսպիսով, նրանք չեն վարանում խեղաթյուրել տարածաշրջանում տեղի ունեցող գործընթացները և նույնիսկ որոշակի պահանջներ են առաջադրում Ադրբեջանին։

«Ցավոք, Լյուքսեմբուրգի խորհրդարանը, որն իրեն ներկայացնում է որպես մարդասիրական արժեքների և հիմնարար իրավունքների երաշխավոր, ընտրել է իր վարքագծի սեփական ոճը և նաընտրել է անտեսել օբյեկտիվ իրողությունները»:

Հայտարարության մեջ Ադրբեջանի խորհրդարանը Կլոդ Վիսլերին հիշեցրել է մի շարք փաստեր. այն մասին, որ Ադրբեջանի տարածքները, որոնք ճանաչվել են միջազգայնորեն և չորս անգամ գերազանցում են Լյուքսեմբուրգի տարածքը, 30 տարի մնացել են հայկական օկուպացիայի տակ, այն մասին, որ ավելի քան մեկ միլիոն մարդ դարձել է փախստական և հարկադիր վերաբնակ, ութ քաղաքների և հարյուրավոր գյուղերի, բազմաթիվ պատմական, կրոնական և մշակութային հուշարձանների ոչնչացման մասին։