Բայրամովը հեռախոսազրույց է ունեցել թուրք գործընկերոջ հետ

Ադրբեջանի արտգործնախարար Ջեյհուն Բայրամովը հեռախոսազրույց է ունեցել իր թուրք գործընկեր Հաքան Ֆիդանի հետ։

Ինչպես հաղորդում է Caliber.Az-ը, այս մասին հաղորդագրությունը տարածել է ԱՀ արտաքին քաղաքական գերատեսչության մամուլի ծառայությունը։

ԱԳՆ-ում նշել են, որ նախարարները քննարկել են Ադրբեջանի և Թուրքիայի միջև երկկողմ դաշնակցային հարաբերությունների տարբեր ասպեկտների շուրջ կատարված աշխատանքը։ Բացի այդ, նախարարները քննարկել են Շուշա քաղաքում անցկացվելիք ԹՊԿ-ի ոչ պաշտոնական գագաթնաժողովի նախապատրաստական աշխատանքները։

Հեռախոսազրույցի ընթացքում արտգործնախարարները քննարկել են իրավիճակը տարածաշրջանում և մտքեր են փոխանակել երկկողմ հետաքրքրություն ներկայացնող հարցերի շուրջ, հայտնում է գերատեսչությունը։