Ադրբեջանի ԱԳՆ-ն՝ ադրբեջանցի փախստականների իրենց տներ անվտանգ վերադարձի իրավունքի մասին

Ադրբեջանի արտաքին գործերի նախարարությունն ընդգծում է՝ ադրբեջանցի փախստականների իրենց տներ արժանապատիվ և անվտանգ վերադարձի իրավունքը։

Ինչպես հայտնում է Caliber.Az-ը, այս մասին ասվում է երկրի ԱԳՆ՝ «X» սոցիալական ցանցում հրապարակման մեջ։

«Փախստականների համաշխարհային օրը մենք նշում ենք ադրբեջանցի փախստականների ուժն ու քաջությունը և ընդգծում նրանց իրավունքը՝ արժանապատվորեն և անվտանգ վերադառնալու իրենց տներ: Ադրբեջանը պաշտպանում և աջակցում է իր փախստականներին ամեն քայլափոխի և կիսում է նրանց հույսերը՝ կապված անվտանգ և ներառական ապագայի հետ»,-նշվում է հայտարարության մեջ։

ՄԱԿ-ի կողմից հաստատված Փախստականների համաշխարհային օրը միջազգային օր է՝ լուսաբանելու փախստականների խնդիրը ողջ աշխարհում: Այն նշվում է ամեն տարի հունիսի 20-ին։