Արևմտյան Ադրբեջանի համայնքը դիմել է Հայաստանին

Արևմտյան Ադրբեջան համայնքը, որը միավորում է Հայաստանից վտարված ադրբեջանցիներին, հունիսի 20-ին՝ Փախստականների համաշխարհային օրը, համերաշխություն է հայտնում ամբողջ աշխարհում տեղահանված մարդկանց և համաշխարհային հանրությանը կոչ է անում ավելի մեծ ուշադրություն դարձնել փախստականների խնդրին։

AZERTAC-ի փոխանցմամբ՝ այս մասին ասվում է Արևմտյան Ադրբեջանի Համայնքի հայտարարության մեջ։

«Տեղահանվածների խնդրի կայուն լուծումը կայանում է տեղահանվածների իրենց տներ անվտանգ և արժանապատիվ վերադարձի համար պայմանների ստեղծման մեջ: Արևմտյան Ադրբեջանի համայնքը մտադիր է երկխոսության միջոցով հասնել իր անդամներին հայրենի հողեր վերադարձնելու նպատակին։ Համայնքը հարգում է միջազգային իրավունքի նորմերը և սկզբունքները, ներառյալ պետությունների տարածքային ամբողջականությունն ու ինքնիշխանությունը, ինչպես նաև խաղաղության, հաշտության և համակեցության արժեքները:

Արևմտյան Ադրբեջանի համայնքը միշտ պատրաստ է վերադարձի հարցով ուղիղ երկխոսության Հայաստանի կառավարության հետ։ Չնայած համայնքի կողմից երկխոսություն հաստատելու մշտական փորձերին, Հայաստանը դեռևս չի արձագանքում նրա կոչերին։ Երկխոսությունից Հայաստանի խուսափումը չի նպաստում արդար և կայուն կարգավորման ճանապարհին առաջընթացի հասնելուն:

Արևմտյան Ադրբեջանի համայնքը կոչ է անում Հայաստանի կառավարությանը հարգել մարդու իրավունքների պաշտպանության միջազգային պարտավորությունները և պայմաններ ստեղծել Հայաստանից վտարված ադրբեջանցիների վերադարձի համար»,- ասված է հայտարարության մեջ։