Սահմանվել է Շուշա քաղաքի անվան օգտագործման կարգը

Սահմանվել է Շուշա քաղաքի անվան օգտագործման կարգը:

Caliber.Az-ի փոխանցմամբ՝ դա արտացոլված է «Ադրբեջանի մշակութային մայրաքաղաքի՝ Շուշա քաղաքի մասին» օրենքում, որը նախօրեին հաստատվել է նախագահ Իլհամ Ալիևի կողմից։

Օրենքի համաձայն՝ բացառությամբ Ադրբեջանի Հանրապետության օրենքներով և համապատասխան գործադիր մարմնի կողմից սահմանված դեպքերի, «Շուշա» բառի օգտագործումը թույլատրվում է հետևյալ դեպքերում միայն համապատասխան գործադիր մարմնի կողմից որոշված մարմնի համաձայնությամբ.

- իրավաբանական անձանց, այդ թվում՝ ԶԼՄ-ների անուններում,

- պարգևների և մրցանակների անուններում,

- տեղական, ազգային կամ միջազգային միջոցառումների, ներառյալ՝ սպորտային և այլ մրցումների, համերգների, փառատոնների, ցուցահանդեսների, կոնֆերանսների, սեմինարների անուններում,

- առևտրային և գովազդային նպատակներով,

- ապրանքային նշաններում և աշխարհագրական ցուցանշաններում,

Այս դեպքերի կապակցությամբ Շուշայի պետական արգելոցը բացառիկ իրավունք ունի օգտագործելու իր անվանումը և պաշտոնական անվանումը՝ «Շուշա»։