Աբրահամյան. Երևանից զենքը ադրբեջանական տարածքներ ուղարկում էր Վազգեն Սարգսյանը

«Ռոբերտ Քոչարյանը, Մաքսիմ Բաբայանը և Հենրիխ Պողոսյանը, հրավիրելով հայկական զինված կազմավորումների ղեկավարներին, հայտնեցին, որ մոտ ապագայում ԼՂԻՄ-ը պետք է դուրս գա Ադրբեջանական ԽՍՀ-ի կազմից և միանա Հայկական ԽՍՀ-ին, և որ անհրաժեշտ է մոբիլիզացնել բոլոր ուժերը՝ ադրբեջանցիներին այս տարածքներից վտարելու համար»։

Ինչպես հաղորդում է AZERTC-ը, այս մասին ասել է Արթուր Աբրահամյանը, ով այսօր Բաքվի զինվորական դատարանում ցուցմունք է տվել որպես վկա։ Աբրահամյանը, ով Մուրադ Պետրոսյանի վարորդն է եղել, պատմել է, որ Ռոբերտ Քոչարյանը մտերիմ է եղել Խանքենդիի քաղաքային խորհրդի նախագահ Մաքսիմ Բաբայանի հետ։ Իսկ ԼՂԻՄ կուսակցական կոմիտեի նախագահ Հենրիխ Պողոսյանը գլխավորում էր ողջ հայ ազգայնական շարժումը։

«Երևանից ադրբեջանական տարածքներ զենք էր ուղարկում Հայաստանի ազգային բանակի գլխավոր հրամանատար Վազգեն Սարգսյանը։ Զենքը Հայաստանից ուղղաթիռներով հասցվել է խոշոր քաղաքներ, որտեղ դրանք ընդունվում և բաշխվում էին զինված խմբավորումների ղեկավարների կողմից։ Հայկական զինված կազմավորման անդամներ Աշոտը և Գագոն 1989-ի հոկտեմբերին պայթուցիկ սարք տեղադրեցին «Զերինբաղ» կոչվող կամրջի մոտ՝ Շուշա-Խանքենդի ավտոճանապարհով ընթացող ավտոբուսը պայթեցնելու նպատակով, սակայն, ավտոբուսը ուշացավ և պայթյունի հետևանքով վնասվեց «ԿամԱԶ» մակնիշի բեռնատար»,- պատմել է վկան։