Ադրբեջանցի դիվանագետները հարգանքի տուրք են մատուցել Հռոմի պապի հիշատակին ԼՈՒՍԱՆԿԱՐ

Մեծ Բրիտանիայում Ադրբեջանի դեսպանատան դիվանագետները Լոնդոնի Վեսթմինսթերյան աբբայությունում մասնակցել են Հռոմի պապ Ֆրանցիսկոսի հոգեհանգստի արարողությանը։

Ինչպես հաղորդում է Report-ը, այս մասին սոցցանցերում հայտնել է Ադրբեջանի դիվանագիտական ներկայացուցչության մամուլի ծառայությունը։

«Մեզ համար մեծ պատիվ է մասնակցել Վեսթմինսթերում Հռոմի պապ Ֆրանցիսկոսի պատվին մատուցված պատարագին», - ասված է հաղորդագրության մեջ։

Հիշեցնենք, որ պոնտիֆիկոսը վախճանվել է 88 տարեկանում։ 2013 թվականին Հռոմի Պապ ընտրված Ֆրանցիսկոսը ծնվել է Արգենտինայում։ Վերջին ամիսներին նա տառապում էր թոքաբորբով։