Ադրբեջանցի զինվորականներն ավարտել են զորավարժությունները Վրաստանում

Վրաստանում ավարտվել են «Eternity 2024» բազմազգ հրամանատարաշտաբային զորավարժությունները՝ ադրբեջանցի, թուրք և վրացի զինվորականների մասնակցությամբ, խորհրդակցություն է անցկացվել Ադրբեջանի և Վրաստանի տարածքով անցնող արտահանման խողովակաշարերի անվտանգության հարցերի շուրջ։

Ինչպես Caliber.Az-ին հայտնել են Ադրբեջանի ռազմավարական օբյեկտների պաշտպանության պետական գործակալությունից, հիմնական ուշադրությունը դարձվել է Ադրբեջանի, Թուրքիայի և Վրաստանի Զինված ուժերի միջև համագործակցության ամրապնդմանը։

Հանդիպում է տեղի ունեցել նաև Ռազմավարական օբյեկտների պահպանության պետական գործակալության ղեկավարի տեղակալ Իսֆանդիյար Մեհբալիևի և Վրաստանի ՆԳՆ ռազմավարական խողովակաշարերի պաշտպանության դեպարտամենտի տնօրեն, գնդապետ Զուրաբ Չաբաշվիլիի միջև։ Հանդիպման ընթացքում քննարկվել են կառույցների միջև փորձի փոխանակումը և երկկողմ համագործակցության հեռանկարները։