Ադրբեջանի ԱԳՆ-ն կտրուկ դատապարտել է Մելանի Ջոլիին

Ադրբեջանի արտգործնախարարության խոսնակ Այխան Հաջիզադեն խիստ քննադատել է Կանադայի արտգործնախարար Մելանի Ջոլիին՝ կողմնակալության և Հայաստանի կողմից ադրբեջանական ժողովրդի դեմ կատարված հանցագործությունները անտեսելու համար։

Caliber.Az-ի փոխանցմամբ՝ Ադրբեջանի արտգործնախարարության ներկայացուցիչը այս մասին գրել է Х սոցիալական ցանցում:

Հաջիզադեն մեղադրել է կանադացի նախարարին հայկական սփյուռքի տեսլականները ի վնաս իր երկրի ազգային շահերի առաջ տանելու մեջ։

«Կանադայի ազգային շահերը առաջնահերթ համարելու և միջազգային ասպարեզում հեղինակությունը պահպանելու փոխարեն, Կանադայի Հայկական ազգային կոմիտեի շահերի պաշտպանությանը մասնակցելը լուրջ հարցեր է առաջացնում արտգործնախարարի դերի համար անհրաժեշտ դատողության և տեղեկացվածության վերաբերյալ», - ասել է Հաջիզադեն։