Ադրբեջանի ԱԳՆ. Սահմանադրությունը մեր անկախության, ինքնիշխանության և ազգային միասնության խորհրդանիշն է

Ադրբեջանի արտաքին գործերի նախարարությունը Х սոցիալական ցանցում գրառում է կատարել նոյեմբերի 12-ի՝ Սահմանադրության օրվա կապակցությամբ։

Caliber.Az-ի փոխանցմամբ՝ գրառման մեջ ասվում է. «Սահմանադրությունը մեր անկախության, ինքնիշխանության և ազգային միասնության խորհրդանիշն է։ Սրտանց շնորհավորում ենք Ադրբեջանի ժողովրդին այս նշանակալի օրվա կապակցությամբ և մաղթում նրանց հավատարիմ մնալ մեր պետականությանը և ազատությանը։ Շնորհավոր Սահմանադրության և Ինքնիշխանության տարի»։