Ադրբեջանի դեսպանը Մալայզիայից աջակցություն է խնդրել

Ադրբեջանը դիմել է միջազգային հանրությանը՝ տարածքների լիակատար ականազերծման համար քաղաքական, ֆինանսական և տեխնիկական աջակցություն ցուցաբերելու խնդրանքով։

Ինչպես հաղորդում է Report-ը՝ հղում անելով մալայզիական լրատվամիջոցներին, այս մասին հայտարարել է Մալայզիայում Ադրբեջանի դեսպան Իրֆան Դավուդովը՝ «Դեպի ականազերծ աշխարհ» թեմայով միջազգային գիտաժողովում։

Նա ընդգծել է Կայուն զարգացման նպատակների (ԿԶՆ) շրջանակներում այս նպատակին հասնելու համար գլոբալ համագործակցության կարևորությունը։ Դիվանագետը հատուկ ուշադրություն է դարձրել Մալայզիայի դերին՝ հույս հայտնելով նրա աջակցության համար։

«Մենք սպասում ենք, որ Մալայզիայի կառավարությունը դրական որոշում կկայացնի։ Ցանկացած օգնություն բարձր կգնահատվի», - նշել է Դավուդովը։