Ադրբեջանի Ռազմածովային ուժերի նավերը վերադարձել են Իրանից

Կասպից ծովի իրանական հատվածում AZIREX-2024 համատեղ մարտավարական զորավարժություններին մասնակցած Ադրբեջանի Ռազմածովային ուժերի անձնակազմն ու նավերը վերադարձել են հայրենիք։

Ինչպես Caliber.Az-ին հայտնել են ՊՆ-ից, զորավարժությունների ընթացքում աչքի ընկած զինվորական նավաստիները պարգևատրվել են պատվոգրերով։

Նշենք, որ «Որոնողափրկարարական գործողություններ ծովում» համատեղ մարտավարական զորավարժություններին մասնակցել են Ադրբեջանի Ռազմածովային ուժերի 2 նավ և ավելի քան 100 հոգուց բաղկացած անձնակազմ։