Ադրբեջանի ՏԻՄ ընտրություններ. ընտրատեղամասերը բացվել են

Ադրբեջանում անցկացվում են ՏԻՄ ընտրություններ, ընտրատեղամասերն արդեն բացվել են:

Caliber.Az-ի փոխանցմամբ՝ քվեարկությունը կշարունակվի մինչև ժամը 19:00-ն:  

Ընտրություններն ընթանում են 5846 ընտրատեղամասեր ընդգրկող 118 ընտրական օկրուգում։ 685 տեղական ինքնակառավարման մարմիններում 8071 տեղի համար պայքարում է 16 092 թեկնածու։

Կենտրոնական ընտրական հանձնաժողովի (ԿԸՀ) տվյալներով՝ ընտրություններին կարող է մասնակցել 5 961 987 ընտրող։

Կենտրոնական ընտրական հանձնաժողովի (ԿԸՀ) նախագահ Մազահիր Փանահովը նշել է, որ ընտրողների ակտիվությունը ուղիղ եթերով կհեռարձակվի ժամը 10:00-ին, 12:00-ին, 15:00-ին, 17:00-ին և 19:00-ին: