Ադրբեջանն ու ՆԱՏՕ-ն քննարկել են ռազմական կրթության և պատրաստության ոլորտում համագործակցությունը

Բաքվում «ՆԱՏՕ-ի 16-րդ օրերի» շրջանակներում Ադրբեջան է այցելել Եվրոպայում ՆԱՏՕ-ի Միացյալ ուժերի գերագույն հրամանատարության (SHAPE) շտաբի պետի տեղակալ, գործընկերության վարչության պետ, կոնտր-ադմիրալ Յուսուֆ Կարագյուլեի գլխավորած պատվիրակությունը։

Պաշտպանության նախարարությունից Caliber.Az-ին հայտնել են, որ այցի նպատակն է Դաշինքի հետ Ադրբեջանի համագործակցության զարգացումը, գործընկերության ծրագրերով ստանձնած պարտավորությունների կատարումը և փորձի փոխանակումը։

Պատվիրակությունը բանակցություններ է վարել պաշտպանական գերատեսչությունում և Հեյդար Ալիևի անվան ռազմական ինստիտուտում, ինչպես նաև այցելել է Ցամաքային և Ռազմածովային ուժերի զորամասեր։ Հանդիպումների ընթացքում նշվել է Ադրբեջանի ներդրումը միջազգային անվտանգության մեջ և ադրբեջանական բանակի զինծառայողերի կարևոր դերը խաղաղապահ առաքելություններում։ Ընդգծվել է Ադրբեջանի ակտիվ մասնակցությունը ՆԱՏՕ-ի «Գործընկերություն հանուն խաղաղության» ծրագրին, ինչպես նաև մեր երկրի նվաճումները «Օպերատիվ կարողությունների հայեցակարգ» ծրագրի շրջանակներում։