Ադրբեջանում նորակոչիկները երդում կտան փակ պայմաններում

Փետրվարի 16-ին ադրբեջանական բանակի զորամասերում և ստորաբաժանումներում տեղի կունենա նորակոչիկների երդման արարողություն։

Ինչպես հայտնում է Caliber.Az-ը, այս մասին ասված է ՊՆ հաղորդագրության մեջ։

«Հաշվի առնելով ձմռանը շնչառական վիրուսային վարակների տարածումը և երիտասարդ զինվորների ադապտացման շրջանում առողջության պաշտպանման նպատակով զորամասերում տեսակցությունների սահմանափակումներ են մտցվել։ Կոչ ենք անում քաղաքացիներին ըմբռնումով մոտենալ այս միջոցին և զերծ մնալ երդման արարողությունների ժամանակ զորամասեր այցելելուց»,- նշել են ՊՆ-ից։