Ադրբեջանը դարձել է ՄԱԿ-ի երկու հանձնաժողովների անդամ

Ադրբեջանն ընտրվել է ՄԱԿ-ի Բնակչության և զարգացման հանձնաժողովի (CPD) 2026-2030 թվականների և Սոցիալական զարգացման հանձնաժողովի (CSOD) 2025-2029 թվականների անդամ։

Ադրբեջանի ԱԳՆ-ից Report-ին հայտնել են, որ ՄԱԿ-ի ընտրությունները տեղի են ունեցել դեկտեմբերի 10-ին Նյու Յորքում։

Նախարարությունում պարզաբանել են, որ երկու հանձնաժողովներն էլ ECOSOC-ի՝ ՄԱԿ-ի տնտեսական և սոցիալական հարցերով հիմնական մարմնի գործառնական հանձնաժողովներն են։

«Մեր երկիրը ներկայումս ՄԱԿ-ի Տնտեսական և սոցիալական խորհրդի (ECOSOC) անդամ է 2025-2027 թվականների համար: CPD-ն պատասխանատու է բնակչության դինամիկայի, ժողովրդագրական փոփոխությունների, միգրացիայի և ուրբանիզացիայի, ինչպես նաև կայուն զարգացման ոլորտներում: Իսկ CSOD-ը գործում է այնպիսի ոլորտներում, ինչպիսիք են սոցիալական քաղաքականությունը, սոցիալական պաշտպանության համակարգերը, խոցելի խմբերի իրավունքները և բարեկեցության բարելավումը։