Ադրբեջանը շնորհակալություն է հայտնում Ստոլտենբերգին

Բաքուն երախտապարտ է ՆԱՏՕ-ի նախկին գլխավոր քարտուղար Յենս Ստոլտենբերգին՝ Դաշինքի և Ադրբեջանի միջև համագործակցության ամրապնդման գործում ունեցած ավանդի համար։

Caliber.Az-ի փոխանցմամբ՝ այս մասին Х սոցցանցի իր էջում գրել է ՆԱՏՕ-ում Ադրբեջանի առաքելության ղեկավար Ջաֆար Հուսեյնզադեն։

«Այսօր ՆԱՏՕ-ն հրաժեշտ է տալիս գլխավոր քարտուղար Յենս Ստոլտենբերգին։ Մենք մեր անկեղծ երախտագիտությունն ենք հայտնում Ադրբեջան-ՆԱՏՕ գործընկերության մեջ Ձեր ներդրման և Ձեր պաշտոնավարման ընթացքում Ադրբեջանի ինքնիշխանությանն ու տարածքային ամբողջականությանը շարունակական աջակցության համար։ Մենք ջերմությամբ ենք հիշում Ձեր այցը Բաքու և 2024 թվականի մարտին Ադրբեջանի նախագահ Իլհամ Ալիևի հետ հանդիպումը, ինչը համընկավ Ադրբեջան-ՆԱՏՕ գործընկերության 30-ամյակի հետ։ Մաղթում ենք Ձեզ հետագա հաջողություններ»,- գրել է դիվանագետը։