Ալի Նաղիև. անհետ կորածների թաղման վայրերի որոշումը պետական հանձնաժողովի ամենակարևոր խնդիրներից մեկն է

Մինչ օրս ավելի քան 11 000 դոնորներից հավաքվել և համակարգվել են կենսաբանական նմուշներ՝ ավելի քան 3 800 անհետ կորած անձանց ճակատագիրը որոշելու համար։

Caliber.Az-ի փոխանցմամբ՝ այս մասին այսօր Բաքվում ընթացող «Ջանքերի համախմբում և համագործակցության ընդլայնում՝ հանուն անհետ կորած անձանց հետ կապված հարցերի լուծման» թեմայով միջազգային համաժողովում հայտարարել է Պետական անվտանգության ծառայության ղեկավար, Ռազմագերիների, պատանդների և անհետ կորած անձանց հարցերով պետական հանձնաժողովի նախագահ Ալի Նաղիևը։

«Մասնագետները դրական են գնահատում կենսաբանական նմուշների հավաքագրումը, որոնք վերաբերում են անհետ կորած անձանց ճնշող մեծամասնությանը։ Կուզենայի ընդգծել, որ մեր անհետ կորած քաղաքացիների թաղման վայրերի որոշումը և անհրաժեշտ արտաշիրիմման աշխատանքների իրականացումը պետական հանձնաժողովի ամենակարևոր խնդիրներից մեկն է», - հայտարարել է Նաղիևը։