ANAMA-ի պատվիրակությունը կայցելի Թաիլանդ, Լաոս, Վիետնամ և Կամբոջա

Ադրբեջանի նախագահի հատուկ հանձնարարությունների գծով ներկայացուցիչ Էլչին Ամիրբեկովի գլխավորած պատվիրակությունը՝ օգոստոսի 19-30-ը աշխատանքային այց է կատարում Թաիլան, Լաոս, Վիետնամ և Կամբոջա։ Պատվիրակության կազմում են՝ Ականազերծման գործակալության (ANAMA) խորհրդի նախագահ Վուգար Սուլեյմանովը, ANAMA-ի խորհրդի նախագահի տեղակալ Սամիր Փոլադովը, ինչպես նաև գործակալության կառուցվածքային ստորաբաժանումների ղեկավար անձինք։

Ինչպես Caliber.Az-ին հայտնել են ANAMA-ում, նշված երկրներն այն պետությունների թվում են, որոնք բախվել են ականային վտանգի հետ և դրա դեմ պայքարի երկար տարիների փորձ ունեն։ Ադրբեջանական պատվիրակության այցի նպատակն է՝ ուսումնասիրել ականազերծման ոլորտում միջազգային փորձը և ընդլայնել համագործակցությունն այս ուղղությամբ համապատասխան կառույցների հետ։