Արդյո՞ք Բաքվի և Հանոյի միջև հարաբերություններում առաջընթաց է սպասվում ԱՀ դեսպանի հարցազրույցը վիետնամական լրատվամիջոցներին

Ադրբեջանը սպասում է Վիետնամի հետ հարաբերություններում առաջընթացի և Բաքվում դեսպանատան շուտով բացման։

Ինչպես հաղորդում է Report-ը, այս մասին հայտարարել է Վիետնամում Ադրբեջանի դեսպան Շովգի Մեհդիզադեն՝ գլխավոր քարտուղար Տո Լամի Ադրբեջան կատարելիք պետական այցից առաջ The Gioi and Viet Nam Newspaper-ին տված հարցազրույցում:

Դիվանագետը նշել է, որ սա Վիետնամի Կոմունիստականկուսակցության ղեկավարի առաջին այցն է Ադրբեջան՝ երկու երկրների միջև դիվանագիտական հարաբերությունների հաստատումից, ինչպես նաև Տո Լամի՝ գլխավոր քարտուղարի պաշտոնը ստանձնելուց ի վեր։

«Գլխավոր քարտուղար Տո Լամի Ադրբեջան կատարելիք պետական այցի ընթացքում երկու երկրները կունենան բաց օրակարգ՝ երկկողմ հարաբերությունների քննարկման և հետագա զարգացման համար։ Մենք ակնկալում ենք, որ ադրբեջանա-վիետնամական հարաբերությունները առաջընթաց կգրանցեն՝ շնորհիվ երկու երկրների բարձրագույն ղեկավարների Բաքվում կայանալիք պատմական հանդիպման», - ասել է Մեհդիզադեն։