Ավարտվել են՝ Ադրբեջանի, Ղազախստանի, Կատարի, Ուզբեկստանի, Պակիստանի և Թուրքիայի հատուկ նշանակության ուժերի զորավարժությունները

Ավարտվել են՝ Ադրբեջանի, Ղազախստանի, Կատարի, Ուզբեկստանի, Պակիստանի և Թուրքիայի հատուկ նշանակության ստորաբաժանումների մասնակցությամբ Ադրբեջանում անցկացված՝ բազմազգ համատեղ հատուկ նշանակության ուժերի՝ «Հավերժ եղբայրություն - IV» զորավարժությունները։
 
Այս մասին հաղորդում է Caliber.Az-ը՝ հղում անելով Ադրբեջանի Պաշտպանության նախարարությանը։
 
Համատեղ զորավարժությունների ավարտի կապակցությամբ՝ ադրբեջանական բանակի ուսումնա-մարզական կենտրոնում կազմակերպվել է՝ «Ադրբեջանական երաժշտական ​​ծաղկեպսակ» համերգային ծրագիրը։
 
Միջոցառմանը ելույթ ունենալով՝ վաստակավոր արտիստ, Ադրբեջանի նախագահի անձնական կենսաթոշակակիր Աբդուլլահ Գուրբանին նշել է, որ միջոցառումը համընկել է սեպտեմբերի 18-ի՝ Ազգային երաժշտության օրվա նախօրեին և հյուրերին մանրամասն պատմել է՝ Ադրբեջանի հարուստ պատմության և մշակույթի մասին։
 
Զորավարժությունների մասնակիցների շրջանում մեծ հետաքրքրություն են առաջացրել՝ Պաշտպանության նախարարության զինվորական նվագախմբի և Հազի Ասլանովի անվան բանակային գաղափարական և մշակութային կենտրոնի երգի և պարի անսամբլի կատարմամբ ժողովրդական ու  հեղինակային երգերը, ինչպես նաև պարերը։