Ավստրիայի նախագահը ցավակցություն է հայտնել Իլհամ Ալիևին

Ավստրիայի դաշնային նախագահ Ալեքսանդր Վան դեր Բելենը նամակ է հղել Ադրբեջանի նախագահ Իլհամ Ալիևին։

Ինչպես հայտնում է Caliber.Az-ը, այս մասին տեղեկությունը զետեղված է ԱՀ ղեկավարի պաշտոնական կայքում։ Նամակում Ալեքսանդր Վան դեր Բելենը ցավակցություն է հայտնել Բաքու-Գրոզնի չվերթն իրականացնող AZAL-ի ինքնաթիռի կործանման հետևանքով բազմաթիվ զոհերի կապակցությամբ։

«Խոր վշտով տեղեկացա «Ադրբեջանական ավիաուղիներ»-ի ինքնաթիռի ողբերգական վթարի մասին, որը խլեց 38 մարդու կյանք։ Մեր մտքերը այս ողբերգական ավիավթարի զոհերի ընտանիքների և մերձավորների հետ են։ Իմ խորին ցավակցությունն եմ հայտնում Ձեզ և Ադրբեջանի ժողովրդին։ Պարոն Նախագահ, ընդունեք իմ խորին հարգանքներս»,- ասված է նամակում։