Բաքուն և Անկարան քննարկել են թյուրքական աշխարհում կայունության ապահովման հարցը

Թուրքիայի Ազգային Մեծ Ժողովի նախագահ Նուման Քուրթուլմուշի և Միլլի Մեջլիսի նախագահ Սահիբա Գաֆարովայի միջև հեռախոսազրույց է տեղի ունեցել։

Այս մասին հայտնում է Caliber.Az-ը՝ հղում անելով Թուրքիայի խորհրդարանին։

Հեռախոսազրույցի ընթացքում քննարկվել են Թուրքիայի և Ադրբեջանի երկկողմ և միջխորհրդարանական հարաբերությունները, ընդգծվել է թյուրքական աշխարհում կայունության ապահովման համար բոլոր ոլորտներում համագործակցության կարևորությունը։

Քուրթուլմուշը շնորհավորել է Սահիբա Գաֆարովային և ադրբեջանական ժողովրդին Ռամազանի տոնի կապակցությամբ և մաղթել, որ այս սուրբ ամիսը խաղաղություն, հանգստություն և բարգավաճում բերի Ադրբեջանի ժողովրդին։