Բաքուն և Կիևը քննարկել են Ուկրաինային էներգետիկ աջակցությունը

Բաքվում Ուկրաինայի դեսպան Յուրի Գուսևը և Միլլի մեջլիսի Ադրբեջան-Ուկրաինա միջխորհրդարանական հարաբերությունների աշխատանքային խմբի նախագահ Ալիբալա Մահարրամզադեն քննարկել են երկու երկրների օրենսդիր մարմինների միջև համագործակցության առաջնահերթությունները։

Caliber.Az-ի փոխանցմամբ՝ դիվանագետը այս մասին գրել է Х սոցիալական ցանցում։

«Այսօր Ադրբեջանում Ուկրաինայի դեսպանատանը տեղի է ունեցել արդյունավետ հանդիպում Միլլի մեջլիսի պատգամավոր Ալիբալա Մահարրամզադեի հետ։ Մենք կենտրոնացանք ադրբեջանա-ուկրաինական միջխորհրդարանական համագործակցության, մարդասիրական օգնության և Ուկրաինային տրամադրվող էներգետիկ աջակցության առաջնահերթությունների վրա։ Մենք մեր երախտագիտությունն ենք հայտնում Ադրբեջանին անփոփոխ համերաշխության համար», - գրել է դեսպանը։