Բաքուն և Թեհրանը քննարկել են երկկողմ համագործակցությունը

Ադրբեջանի վարչապետ Ալի Ասադովը նոյեմբերի 20-ին հանդիպել է Իրանի մշակութային ժառանգության, զբոսաշրջության և արհեստագործական արդյունաբերության նախարար Ռեզա Սալեհի Ամիրիի հետ։

Այս մասին Caliber.Az-ին հայտնել են նախարարների կաբինետից:

Հանդիպմանը գոհունակությամբ է նշվել Բաքվում COP29-ի բարձր մակարդակով անցկացումը։ Ընդգծվել է, որ COP29-ում նախագահության ընթացքում Ադրբեջանի առաջնահերթություններից մեկը զբոսաշրջության ոլորտում կլիմայական գործունեությունն է:

Զրույցի ընթացքում քննարկվել են ադրբեջանա-իրանական հարաբերությունների ներկա վիճակը, ինչպես նաև փոխադարձ հետաքրքրություն ներկայացնող ոլորտներում երկկողմ համագործակցության հեռանկարները։