Բայրամով. կողմնակալությունն անընդունելի է, և մենք դա տեսել ենք ԱՄՆ դեմոկրատական վարչակազմի գործողություններում

Սպիտակ տան հեռացող վարչակազմը աջակցություն էր ցուցաբերում Հայաստանին, ինչն անընդունելի է մի կողմի համար, որն իրեն միջնորդ է ներկայացնում հակամարտության կարգավորման հարցում։

Այս մասին հայտարարել է Ադրբեջանի արտգործնախարար Ջեյհուն Բայրամովը՝ պատասխանելով Report-ի հարցին։

«Ես չէի ցանկանա մեկնաբանել երկու երկրների հարաբերությունները։ Սակայն ԱՄՆ-ն աջակցություն էր ցուցաբերում Հայաստանին։ Նման գործողություններն անընդունելի են մի կողմի համար, որն իրեն որպես միջնորդ է ներկայացնում։ «Կողմնակալությունն անընդունելի է, և մենք դա տեսել ենք ԱՄՆ-ում դեմոկրատական վարչակազմի գործողություններում»,- ասել է Բայրամովը։

Բայրամովը նաև հավելել է, որ Լոս Անջելեսում Ադրբեջանի գլխավոր հյուպատոսությունը կվերսկսի իր գործունեությունը։