Բայրամովը՝ ԹՊԿ-ի ամրապնդմանն ուղղված Ադրբեջանի նախաձեռնությունների մասին

Ադրբեջանի արտգործնախարար Ջեյհուն Բայրամովը ելույթ է ունեցել Թյուրքական պետությունների կազմակերպության (ԹՊԿ) անդամ երկրների արտգործնախարարների խորհրդի նիստում, որն այսօր անցկացվում է Բիշքեկում։

Ինչպես հաղորդում է Caliber.Az-ը՝ հղում անելով Ադրբեջանի արտաքին գործերի նախարարությանը, իր ելույթում նախարարն անդրադարձել է կազմակերպության անդամ երկրների միջև համագործակցության հեռանկարներին՝ տնտեսության, առևտրի, տրանսպորտի և հաղորդակցության, էներգետիկ անվտանգության, թվային տեխնոլոգիաների, մշակույթի և այլ ոլորտներում։

«Բայրամովը խոսել է նաև ԹՊԿ-ի ամրապնդման հարցում Ադրբեջանի նախաձեռնությունների և տեսլականի, ինչպես նաև Բաքվում անցկացվելիք COP29 համաժողովի նախապատրաստման մասին»,- ասվում է գերատեսչության հաղորդագրության մեջ։