COP29-ի մասնակիցները բողոքի ցույց են անցկացրել Ֆրանսիայի գաղութատիրության դեմ ԼՈՒՍԱՆԿԱՐ

Կլիմայի փոփոխության մասին ՄԱԿ-ի շրջանակային կոնվենցիայի (COP29) Կողմերի համաժողովի 29-րդ նստաշրջանի շրջանակներում՝ «Վերջ գաղութատիրությանը հանուն խաղաղության և կանաչ մոլորակի» խորագրով ակցիա է անցկացվել, որը կազմակերպվել է Բաքվի նախաձեռնող խմբի (ԲՆԽ) կողմից: 

AZERTAC-ի փոխանցմամբ՝ ակցիային մասնակցել են՝ ֆրանսիական գաղութային տիրապետության տակ գտնվող կղզի պետությունների ակտիվիստները։ Նրանք հայտարարել են, որ այս ակցիայի միջոցով մեսիջ են ուղարկում Ֆրանսիային։

Նշվել է, որ Գվինեան Հարավային Ամերիկայի միակ տարածքն է, որը գտնվում է գաղութատիրության ներքո։ Ցուցարարները բողոք են հայտնել  նրա դեմ, որ նրանց երկրները 2024 թվականին գտնվում են ֆրանսիական գաղութատիրության տակ և կոչ են արել Փարիզին վերջ տալ գաղութատիրական քաղաքականությանը։ Պահանջներ են հնչեցվել, որ Ֆրանսիայի կողմից գաղութացված վայրերը պետք է ներառվեն ՄԱԿ-ի ապագաղութացման ենթակա տարածքների ցանկում։ Կոչեր են հնչել նաև կլիմայական արդարության՝ գաղութացված տարածքների համար: