COP29-ի նախագահը Ադրբեջանի նոր կլիմայական ծրագրերի մասին

Ադրբեջանն ունի կլիմայի փոփոխության դեմ պայքարի նոր ծրագրեր։

Report-ի փոխանցմամբ՝ այս մասին հայտարարել է COP29-ի նախագահ Մուխտար Բաբաևը Բաքվի կլիմայական գործողությունների շաբաթվա (BCAW2025) երկրորդ օրը։

Բաբաևը հիշեցրել է, որ Բաքվում կայացած COP29-ում լայնորեն քննարկվել է նաև կանաչ տնտեսության անցումը. «Դիտարկվել են էներգետիկ անվտանգությունը և էներգիայի արտահանումը։ Քննարկվել է էներգետիկ անցման հաջորդ փուլը, այդ թվում՝ մաքուր էներգիայի զարգացումը։ Մաքուր ջրածնի ոլորտի կարգավորումը 60 երկրների ներկայացուցիչների միջև քննարկումների առարկա է եղել»։

Նա հավելել է, որ Ադրբեջանը ձգտում է մեծացնել իր էներգետիկ համակարգի ճկունությունը. «Շարունակվում են քննարկումները վերականգնվող էներգիայի անցման ապահովման վերաբերյալ։ Այսօր մենք բախվում ենք կլիմայի փոփոխության մարտահրավերներին։ Հաշվի առնելով այս ոլորտում որոշակի կրիտիկական ազդանշանների առկայությունը, անհրաժեշտ է մասնավոր հատվածի ավելի ակտիվ մասնակցությունը այս գործընթացին։ Ադրբեջանը ներդրումներ է կատարում կանաչ էներգիայի զարգացման մեջ, ձևակերպում նպատակներ և սահմանում ազգային առաջնահերթություններ այս ոլորտում»։