Գայա Մամեդով. Հայաստանը վերածվում է համակարգային իսլամաֆոբիայի տարածման կենտրոնի

Հայաստանը ձեռք է բերում այնպիսի պետության համբավ, որտեղ համակարգային իսլամաֆոբիան ավելի ու ավելի մեծ տարածում է գտնում։

Ինչպես հաղորդում է Report-ը, այս մասին Բաքվում ընթացող «Իսլամաֆոբիա. նախապաշարմունքների բացահայտում և խարանների վերացում» թեմայով միջազգային գիտաժողովի շրջանակներում կազմակերպված պանելային քննարկումների ժամանակ հայտարարել է Միլլի Մեջլիսի պատգամավոր Գայա Մամեդովը:

Պատգամավորը նշել է, որ վերջին երեք տասնամյակների ընթացքում մուսուլմանների նկատմամբ քսենոֆոբիայի աճ է նկատվում, և թեև «իսլամաֆոբիա» տերմինը իր պաշտոնական սահմանումը ստացել է համեմատաբար վերջերս, երևույթն ինքնին գոյություն է ունեցել դրանից շատ ավելի վաղ։

«Որպես էթնիկ ադրբեջանցի, ով ծնվել է ներկայիս Հայաստանի տարածքում, կարող եմ լիակատար վստահությամբ ասել, որ Հայաստանն այն երկրներից է, որտեղ արմատավորվել է համակարգային իսլամաֆոբիա, որը դրսևորվում է տարբեր ձևերով: Հայաստանի տարածքից բռնի կերպով վտարված ադրբեջանցիների ճակատագիրը աննախադեպ պատմական անարդարություն է: Այո, համաշխարհային պատմության մեջ եղել են էթնիկ զտումների և տեղահանությունների դեպքեր: Բայց Հայաստանը, թերևս, միակ պետությունն է, որը կարողացել է ստեղծել գործնականում մոնոէթնիկ տարածք՝ այլ ժողովուրդների բռնի վտարման միջոցով: Ընդամենը հարյուր տարի առաջ այս հողերում ադրբեջանցիները կազմում էին էթնիկ մեծամասնություն: Սակայն, նրանք բոլորը, ընդգծում եմ՝ բոլորը արտաքսվել են», - ասել է Մամեդովը: