Գուտերեշ. Ադրբեջանը զգալի ներդրում ունի կլիմայի փոփոխության դեմ պայքարում

Ադրբեջանը զգալի ներդրում ունի կլիմայի փոփոխության դեմ գլոբալ պայքարում։

Այս մասին Report-ին տված հարցազրույցում հայտարարել է ՄԱԿ-ի գլխավոր քարտուղար Անտոնիո Գուտերեշը։

«Կարծում եմ՝ կարևորն այն ձգտումն է, որով Ադրբեջանը առաջ է տանում իր նախաձեռնությունները, որպեսզի շրջանակային կոնվենցիայի բոլոր մասնակից երկրները, որոնք կգան COP, միտված լինեն նրա հաջողությանը։ Որովհետև կլիմայի փոփոխությունը ոչնչացնում է աշխարհն ամենուր: Այս տարին, ամենայն հավանականությամբ, կլինի ամենաշոգը՝ ամենաշոգ ամիսներով: Աշխարհում տիրում են երաշտներ, փոթորիկներ, ջրհեղեղներ, որոնք ավերում են երկրագնդի մեծ հատվածները»,- ընդգծել է գլխավոր քարտուղարը։

Գուտերեշի խոսքով՝ իրավիճակը փոխելու համար հավակնոտ նախաձեռնություններ են անհրաժեշտ, և դա շատ կարևոր է անել Ադրբեջանում անցկացվող COP-ում։