Հասանովը կարգադրել է ուժեղացնել հսկողությունն ու վերահսկողությունը պայմանական սահմանին հակառակորդի գործողությունների նկատմամբ

Պաշտպանության նախարար, գեներալ-գնդապետ Զաքիր Հասանովի գլխավորությամբ տեղի է ունեցել ՊՆ կոլեգիայի նիստ՝ նվիրված 2024-ի արդյունքներին:

Այս մասին Caliber.Az-ին հայտնել են ԱՀ պաշտպանության նախարարությունից։

Փոխնախարարների, զորատեսակների հրամանատարների, Առանձին համազորային բանակի հրամանատարի, Պաշտպանական ազգային համալսարանի ռեկտորի, գլխավոր վարչությունների, վարչությունների, զորամիավորումների և կազմավորումների ղեկավարների մասնակցությամբ կայացած տեսակոնֆերանսում վերլուծվել են նախորդ տարվա կատարած աշխատանքի արդյունքները և քննարկվել 2025-ի առաջադրանքները:

Գեներալ-գնդապետ Զաքիր Հասանովը նշել է, որ Գերագույն գլխավոր հրամանատար Իլհամ Ալիևի հանձնարարականի համաձայն՝ հաջողությամբ շարունակվում են երկրի տարածքային ամբողջականության ապահովման և ռազմական անվտանգության, զորքերի մարտական հնարավորությունների և մարտունակության բարձրացման և նորագույն տեխնոլոգիաների կիրառմամբ մշակված ժամանակակից սպառազինության ձեռքբերման ուղղությամբ միջոցառումները:

Համապատասխան հանձնարարականներ են տրվել պայմանական պետական սահմանին մարտականհերթապահություն կազմակերպման, անվտանգության կանոնների խստիվ պահպանման, զգոնությունը բարձրացնելու, հակառակորդի գործողությունների շարունակական վերահսկողությունն էլ ավելի ուժեղացնելու վերաբերյալ: