ՀՀ քաղաքացիների մեջ մասը չի հավատում Ադրբեջանի հետ կայուն խաղաղությանը Հարցման արդյունքները

ՀՀ քաղաքացիների մեջ մասը չի հավատում Ադրբեջանի հետ կայուն և երկարատև խաղաղությանը:

Այս մասին հայտարարել է «Արար» քաղաքակրթական հետազոտությունների հիմնադրամի գործադիր տնօրեն Արմեն Խաչիկյանը` ներկայացնելով սոցիոլոգիական հարցումների արդյունքները, գրում է «Sputnik Արմենիա»-ն:

««Ադրբեջանի հետ բանակցությունների միջոցով հնարավո՞ր է կայուն, երկարատև խաղաղության հասնել» հարցը մշտապես տալիս ենք։ Հոկտեմբերի տվյալով` 30%-ը նշել է, որ հնարավոր է, բայց շուրջ 70%-ն ասել է, որ հնարավոր չէ կայուն, երկարատև խաղաղություն հաստատել Ադրբեջանի հետ»,– ասել է նա։

Խաչիկյանի խոսքով` հարցման պատկերը չի փոխվել անգամ վաշինգտոնյան պայմանավորվածություններից հետո։

«Որոշակի տատանում կա, բայց մշտապես 65-70 տոկոսը չի հավատում բանակցությունների միջոցով կայուն խաղաղությանը։ Ինձ համար բավականին զարմանալի փաստ է, որ նաև ԱՄՆ նախագահ Դոնալդ Թրամփի միջնորդությամբ նախաստորագրված խաղաղության պայմանագրից հետո շուրջ 65%-ը չի հավատում խաղաղության հաստատմանը, ընդամենը 33.7 տոկոսն է հավատացել, որ Թրամփի միջնորդությամբ համաձայնագիրը կբերի իրական խաղաղություն»,– ասել է սոցիոլոգը։