Ինքնաթիռի կործանումը. Բայրամովը շնորհակալություն է հայտնել Ղազախստանին օգնության համար

Ադրբեջանի արտաքին գործերի նախարար Ջեյհուն Բայրամովը շնորհակալություն է հայտնել Ղազախստանին և ողջ ղազախ ժողովրդին՝ անցած տարվա դեկտեմբերին Ակտաուի մերձակայքում AZAL-ի մարդատար ինքնաթիռի կործանումից հետո որոնողափրկարարական աշխատանքների արագ կազմակերպման համար։

Ինչպես հաղորդում է Report-ը, այս մասին նախարարը հայտարարել է Աստանայում իր ղազախ գործընկերոջ հետ համատեղ մամուլի ասուլիսում։

Նախարարն ընդգծել է, որ Ղազախստանը նաև համակողմանի աջակցություն է ցուցաբերել ողբերգական ավիավթարի հետևանքների հետ կապված բոլոր հարցերում։

Բայրամովը հիշեցրել է, որ Ղազախստանն ու Ադրբեջանը երկու բարեկամ և եղբայրական երկրներ են՝ ընդհանուր մշակույթով և ավանդույթներով։