Կոբախիձեն՝ Ասադովին. Մենք պատրաստ ենք էլ ավելի ամրապնդել գործընկերային հարաբերությունները Ադրբեջանի հետ

Վրաստանը պատրաստ է էլ ավելի ամրապնդել իր ամուր գործընկերային հարաբերությունները Ադրբեջանի հետ.

Ինչպես հաղորդում է Сaliber.Az-ը, այս մասին ասված է Վրաստանի վարչապետ Իրակլի Կոբախիձեի՝ Ադրբեջանի վարչապետ Ալի Ասադովին ուղղված ուղերձում։

Ուղերձում շնորհակալություն է հայտնվում Ա.Ասադովին՝ Վրաստանի խորհրդարանական ընտրություններում հաղթանակի կապակցությամբ Կոբախիձեին շնորհավորելու համար.

«Օգտվելով առիթից՝ ցանկանում եմ ևս մեկ անգամ հաստատել՝ Վրաստանի և Ադրբեջանի միջև գործընկերային հարաբերությունների հետագա ամրապնդման մեր պատրաստակամությունը։ Մեր երկրների միջև ռազմավարական հարաբերությունները մեծ նշանակություն ունեն՝ տարածաշրջանում խաղաղության և կայունության համար, և ես վստահ եմ, որ համատեղ ջանքերով մեր համագործակցությունը բոլոր ոլորտներում էլ ավելի կամրապնդվի»,- ասված է ուղերձում։